علقت المحامية نهاد أبو القمصان، رئيس المركز المصري لحقوق المرأة، على صورتها بـ«التربون» داخل الحرم المكي، مؤكدة أنها لم تقابل شخصًا واحدًا منعها من ارتدائه.

وقالت نهاد أبو القمصان: «مفيش مخلوق وأنا داخلة أو خارجة قالي انتي لابسة إيه، وساعة الصلاة كنت بحط الطرحة الطويلة، بس ساعة الصور بظهر بشكلي الطبيعي اللي الناس عارفاه».

وأضافت نهاد أبو القمصان: «إيه اللي مش مخلي التربون مناسب لهذا المكان، لا يوجد في القرآن ما يحرم ارتدائه أمام الكعبة، الناس بقى عندها مسلّمات وخلاص حتى وإن لم تكن صحيحة، زي موضوع المحرم، وما قيل عن حديث عن الرسول، صلى الله عليه وسلم، بشأن المحرم ليس صحيحا بنسبة 100%».

اقرأ أيضا: مسلسل عمر التركي يتصدر محركات البحث.. إليكم قصته

نهاد أبو القمصان: “حديث  المحرم ليس صحيحًا”

وتابعت: «الناس في السوشيال ميديا مش وراها حاجة غير الكلام، ولكن كل الكلام ده مكناش نعرفه حتى 40 سنة، والسيدة أسماء بنت عقبة خرجت من مكة إلى المدينة ماشية على رجليها 480 كيلو، وكانت أخت عثمان بن عفان، وعندما حاولوا منعها نزلت سورة الممتحنة».

وواصلت: «كمية التكريم والرقي الموجودة في القرآن للمرأة وشخصيتها المستقلة طول عمرنا ده اللي نعرفه، وأنا كنت أرفض التعامل مع النساء على أنها شخص ضعيف، ووجود المحرم كانت لأسباب سياسية».

واستطردت: “السعودية لغته منذ 2019، وكنت أول واحدة تسافر السعودية بمفردها ولم يعترض أحد، والتعامل هناك بمنتهى الرقي والاحترام للقانون، وكنت أنا أول واحدة تدخل الكعبة بطولها، والناس بتدخل وفود، وكانوا فاكرني تايهة من وفد، ولما اتأكدوا إني لوحدي عاملوني باحترام، ربنا خلقنا أحرار كاملين”.

اقرأ أيضا: أيمن زيدان ينعي ممثلا سوريا توفي دون ضجة إعلامية

وقالت “نهاد أبو القمصان” في اتصال هاتفي ببرنامج “رأي عام” المذاع على فضائية “تن”: “أنا أول واحد تدخل الكعبة بالتربون ومفيش مخلوق لا وأنا داخلة أو خارجة قالي انتي لابسة إيه وساعة الصلاة كنت بحط الطرحة الطويلة”.

وأضافت “ايه اللي مش مخليه مناسب لهذا المكان لا يوجد في القرآن ما يحرم ارتدائه أمام الكعبة وما قيل عن حديث عن الرسول صلى الله عليه وسلم بشأن المحرم ليس صحيح بنسبة 100%”.

وتابعت “كل الكلام ده مكناش نعرفه حتى 40 سنة منها موضوع المحرم والسيدة أسماء بنت عقبة خرجت من مكة إلى المدنية ماشية على رجليها 480 كيلو وكانت أخت عثمان بن عفان وعندما حاولوا منعها نزلت سورة الممتحنة”.

واستطردت “كمية التكريم والرقي الموجود في القرآن للمرأة وشخصيتها المستقلة طول عمرنا ده اللي نعرفه، وأنا كنت أرفض التعامل مع النساء على أنها شخص ضعيف ووجود المحرم كانت لأسباب سياسية والسعودية لغته منذ 2019 وكنت أول واحدة تسافر السعودية بمفردها ولم يعترض أحد والتعامل هناك بمنتهى الرقي والاحترام للقانون”.

إعلامي مصري يسخر منها

شن الإعلامي محمد موسى، هجوما حادا على نهاد أبو القمصان، رئيس المركز المصري لحقوق المرأة، بعد نشرها صورة لها أمام الكعبة معلقة عليها: “أول واحدة تزور مكة بدون محرم وتدخل الكعبة بالتربون”.

وقال محمد موسى خلال تقديم برنامج “خط أحمر” على قناة الحدث اليوم،” بتتباهي بوجودها في بيت ربنا بدون محرم يعني من غير راجل عايزة تقول يعني حتي الحاجات اللي متنفعش تتعمل من غير راجل في الوقت الحالي بقت تنفع وإنها أول واحدة تطبق القرار الجديد يعني حتي في بيت ربنا المكان اللي المفروض يكون للعبادة والخشوع برضوا طالعة تقولي أنا أول واحدة”.

تابع، لا يا حاجة نهاد حضرتك مش واخدة بالك إن الست فوق الأربعين وهي داخله علي الخمسين والستين بتكون ست مسنة وبتروح تعمل حج وعمره من غير محرم أصلا وده من زمان مش من دلوقتي يعني حضرتك كنتي تقدري تروحي مكة من غير محرم من عشرة عشرين سنه فاتوا عادي.